Myanma Insurance

ပြည်ထောင်စုသမ္မတမြန်မာနိုင်ငံတော်အစိုးရ စီမံကိန်းနှင့်ဘဏ္ဍာရေး ဝန်ကြီးဌာန မြန်မာ့အာမခံလုပ်ငန်း အလုပ်လျှောက်လွှာခေါ်ယူခြင်း

၁။

မြန်မာ့အာမခံလုပ်ငန်းတွင် လစ်လပ်လျက်ရှိသော အောက်ပါရာထူးနေရာများအတွက် ယှဉ်တွဲဖော်ပြပါ သတ်မှတ်အရည်အချင်းများနှင့် ကိုက်ညီသူများလျှောက်ထားနိုင်ပါသည်-

စဉ်	ခန့်ထားမည့်ရာထူး	လစာနှုန်းထား	ပညာ အရည်အချင်း	လစ်လပ် နေရာ
၁။	အငယ်တန်းစာရေး	၁၈၀၀၀၀-၂၀၀၀-၁၉၀၀၀၀	တက္ကသိုလ်တစ်ခုခုမှဘွဲ့ရရှိသူ	၇၀

၂။

လစ်လပ်ရာထူးနေရာများအတွက် အောက်ပါအချက်အလက်များနှင့် ပြည့်စုံသူများ လျှောက်ထားနိုင်ပါသည်-

၃။

အငယ်တန်းစာရေး (လစာနှုန်းကျပ် ၁၈၀၀၀၀-၂၀၀၀-၁၉၀၀၀၀) ရာထူး (၇၀) နေရာ

(၁) တက္ကသိုလ်တစ်ခုခုမှဘွဲ့တစ်ခုခုရရှိပြီး၊ ကွန်ပျူတာကျွမ်းကျင်မှုရှိရမည်။

(၂) ကျန်းမာရေးကောင်းမွန်သူဖြစ်ရမည်။

(၃) ( ၁-၆-၂၀၂၂ ) ရက်နေ့တွင် အသက် ( ၃၅ ) နှစ်ထက် မကျော်လွန်သူ ဖြစ်ရမည်။

(၄) Marketing ဆင်းရာတွင် တက်ကြွစွာ ပြောဆိုနိုင်ရမည်။

၄။

လျှောက်လွှာနှင့်အတူ အောက်ပါအထောက်အထားများ ပူးတွဲလျက် မြန်မာ့အာမခံလုပ်ငန်း (ရုံးချုပ်) ရန်ကုန်မြို့သို့ ၁၅–၆–၂၀၂၂ ရက် အရောက်ပေးပို့လျှောက်ထားရမည်-

(က)	ဘွဲ့လက်မှတ်မိတ္တူ ( စာမေးပွဲဖြေဆိုသည့်အခါ ဘွဲ့လက်မှတ် မူရင်းတင်ပြရန် )
(ခ)	အသက်အထောက်အထားအတွက် အခြေခံပညာအထက်တန်း အောင်လက်မှတ် မိတ္တူ
(ဂ)	လျှောက်လွှာပိတ်ရက်မတိုင်မီ (၁) လအတွင်း အကျင့်စာရိတ္တကောင်းမွန်ကြောင်း ရပ်ကွက်/ ကျေးရွာအုပ်စု အုပ်ချုပ်ရေးမှူးရုံး၏ ထောက်ခံချက်နှင့် ပြစ်မှုကင်းရှင်း ကြောင်း သက်ဆိုင်ရာရဲစခန်း၏ ထောက်ခံချက်မူရင်း
(ဃ)	လျှောက်လွှာပိတ်ရက်မတိုင်မီ (၁) လအတွင်း ရိုက်ကူးထားသော ရောင်စုံလိုင်စင် ဓာတ်ပုံ (၃) ပုံ ( နောက်ကျောတွင် အမည်၊ နိုင်ငံသားစိစစ်ရေးကတ်ပြားအမှတ် ဖော်ပြရန် )
(င)	ဝန်ထမ်းမဟုတ်သူများအတွက် သက်တမ်းရှိသော အလုပ်သမားမှတ်ပုံတင် ကတ်ပြားမိတ္တူ ( ဖြေဆိုခွင့်ကတ်ပြားထုတ်ယူချိန်တွင် မူရင်းတင်ပြနိုင်ရမည်။ )

၅။

သတ်မှတ်ထားသည့် စာရွက်စာတမ်း မပြည့်စုံလျှင်သော်လည်းကောင်း၊ သတ်မှတ် ထားသောရက်ထက် နောက်ကျမှရောက်လာလျှင်သော်လည်းကောင်း၊ လျှောက်လွှာများကို လက်ခံ စဉ်းစားလိမ့်မည်မဟုတ်ပါ။

၆။

ရေးဖြေစာမေးပွဲကို ၂၆–၆–၂၀၂၂ ရက်နေ့ နံနက် ၁၀:၀၀ နာရီမှ ၁၂:၀၀ နာရီအထိ အင်္ဂလိပ်စာ ဘာသာရပ်ကိုလည်းကောင်း၊ နေ့လယ် ၁:၀၀ နာရီမှ ၄:၀၀ နာရီအထိ မြန်မာစာနှင့် အထွေထွေဗဟုသုတဘာသာရပ်ကိုလည်းကောင်း ဖြေဆိုရမည်ဖြစ်ပြီး ရေးဖြေစာမေးပွဲ အောင်မြင် သူများကို လူတွေ့ စစ်ဆေး ရွေးချယ်ခန့်ထားသွားမည်ဖြစ်ပါသည်။

၇။

ဖြေဆိုခွင့်ကတ်ပြားများကို ၂၂–၆–၂၀၂၂ ရက်နေ့တွင် မြန်မာ့အာမခံလုပ်ငန်း (ရုံးချုပ်) တွင် ရုံးချိန်အတွင်း ထုတ်ပေးမည်ဖြစ်ပြီး နိုင်ငံသားစိစစ်ရေးကတ်ပြားနှင့်အတူ ကာယကံရှင်ကိုယ်တိုင် လာရောက်ထုတ်ယူရမည်ဖြစ်သည်။

၈။

အသေးစိတ်အချက်အလက်များသိရှိလိုပါက မြန်မာ့အာမခံလုပ်ငန်း (ရုံးချုပ်) ၆၂၇/ ၆၃၅ ကုန်သည်လမ်း၊ ၂၉ လမ်း နှင့် လမ်း ၃၀ ထောင့်၊ ပန်းဘဲတန်းမြို့နယ်၊ ရန်ကုန်တိုင်းဒေသကြီး၊
ဖုန်း- ၀၁-၈၃၇၉၀၈၈ သို့ဆက်သွယ်မေးမြန်းစုံစမ်းနိုင်ပါသည်။

Contact Phone Number

Admin Department

Life Insurance Department

Account Department

Duty Room

Fire, Engineering and Miscellaneous Insurance Department

Marine, Aviation & Travelling Insurance Department

Third-Party Liability Insurance Department