သူတစ်ပါးထိခိုက်မှုအာမခံ

၁-၇-၁၉၇၆ မှစ၍ မည်သည့်စက်တပ်ယာဉ်မဆို သူတစ်ပါးထိခိုက်မှုအာမခံ မထားမနေရ နည်းဥပဒေပြဋ္ဌာန်းပြီး ဆောင်ရွက်ခဲ့ပါသည်။ စက်တပ်ယာဉ်ဖြင့် မတော်တဆထိခိုက်မှုကြောင့် သေဆုံးသူ၊ ဒဏ်ရာရသူ၊ ပစ္စည်း ပျက်စီးဆုံးရှုံးခြင်းခံရသည့် နစ်နာသူများအတွက် စက်တပ်ယာဉ် ပိုင်ရှင်မှ ပေးလျော်ရန်တာဝန်ကို မြန်မာ့အာမခံလုပ်ငန်းမှ ပခုံးပြောင်းတာဝန်ယူသည့် အာမခံစနစ် ဖြစ်ပါသည်။

၁-၈-၂၀၁၆ ရက်နေ့တွင် ပရီမီယံနှုန်းနှင့် နစ်နာကြေးနှုန်းထားများအား ပြင်ဆင် သတ်မှတ် ခဲ့ပါသည်။ ပြင်ဆင်သည့်ပရီမီယံနှုန်းများမှာ တင်ဆောင်နိုင်သည့် ဦးရေနှင့် တန်ချိန်အလိုက် ခွဲခြားသတ်မှတ်၍ ကိုယ်ပိုင်ယာဉ် ဆိုလျှင် အနိမ့်ဆုံး ကျပ် ၅၀၀၀/- မှ အမြင့်ဆုံး ကျပ် ၁၀၀၀၀/- ၊ အငှားယာဉ်ဆိုလျှင် အနိမ့် ဆုံး ကျပ် ၁၀၀၀၀/- မှ အမြင့်ဆုံး ကျပ် ၁၅၀၀၀/- သတ်မှတ် ထားပါသည်။ပြင်ဆင်သတ်မှတ်သည့်နစ်နာကြေးနှုန်းမှာ  စက်တပ်ယာဉ်ထိခိုက်မှုကြောင့် လူတစ်ဦးသေဆုံးမှုအတွက် ကျပ် ၁၀ သိန်း၊ ဒဏ်ရာရမှုအတွက် အများဆုံး ကျပ် ၈ သိန်းနှင့် ပစ္စည်း ပျက်စီးဆုံးရှုံးမှုအတွက် ကျပ် ၅ သိန်း ဖြစ်ပါသည်။

၁-၄-၂၀၂၂ ရက်နေ့တွင် ပရီမီယံနှုန်းကို တိုးမြှင့်ခြင်းမပြုဘဲ နစ်နာကြေးနှုန်းထားများအား လက်ရှိ နှုန်းထား၏ သုံးဆ ထပ်မံပြင်ဆင် သတ်မှတ်ခဲ့ပါသည်။ ပြင်ဆင်သတ်မှတ်သည့် နစ်နာကြေးနှုန်း မှာ စက်တပ်ယာဉ်ထိခိုက်မှုကြောင့် လူတစ်ဦးသေဆုံးမှုအတွက် ကျပ် ၃၀ သိန်း၊ ဒဏ်ရာရမှု အတွက် အများဆုံး ကျပ် ၂၄ သိန်းနှင့် ပစ္စည်းပျက်စီး ဆုံးရှုံးမှုအတွက် ကျပ် ၁၅ သိန်း ဖြစ်ပါ သည်။ 

သူတစ်ပါးထိခိုက်မှုအာမခံနစ်နာကြေးများ တောင်းခံရန် လိုအပ်သော စာရွက်စာတမ်းများကို မြန်မာ့အာမခံလုပ်ငန်း၏ ဝက်ဘ်ဆိုက် (www.myanmainsurance.gov.mm) မှ download ရယူ၍ print ထုတ်ပြီး သော်လည်းကောင်း၊ မြန်မာ့အာမခံလုပ်ငန်း (ရုံးချုပ်အပါအဝင် တိုင်း ဒေသကြီး/ ပြည်နယ်/ခရိုင်ရုံးများ) တွင် အခမဲ့ထုတ်ယူ၍ သော်လည်းကောင်း ရယူနိုင်ပါသည်။ ယင်း အထောက်အထားများ ပြည့်စုံပါက မြန်မာ့အာမခံလုပ်ငန်း (ရုံးချုပ်အပါအဝင် တိုင်းဒေသ ကြီး/ ပြည်နယ်/ခရိုင်ရုံးများ)တွင် နစ်နာကြေးအား အမြန်ဆုံးလာရောက် လျှောက်ထား ထုတ်ယူ နိုင်ပါသည်။

နစ်နာကြေး တောင်းခံပိုင်ခွင့်ရှိသူများမှာ−

နစ်နာကြေးတောင်းခံရာတွင် အကျုံးမဝင်သည့် အချက်များ

စက်တပ်ယာဉ် ထိခိုက်မှုကြောင့် နစ်နာကြေး တောင်းခံခြင်းနှင့် ပတ်သက်၍ သေဆုံးသူ၊ ဒဏ်ရာ ရသူသည် အောက်ဖော်ပြပါဖြစ်ရပ်များကြောင့် သေဆုံးခြင်း၊ ဒဏ်ရာရခြင်း ဖြစ်ပွားပါက နစ်နာ ကြေးပေးချေရန် အကြုံးမဝင်ပါ။

စက်တပ်ယာဉ်ထိခိုက်မှုကြောင့် သေဆုံးသူများ နှင့် ဒဏ်ရာရရှိသူများအတွက် နစ်နာကြေး တောင်းခံရာတွင် မြန်မာ့အာမခံလုပ်ငန်း(ရုံးချုပ်) နှင့် နယ်ရုံးခွဲများမှ အခမဲ့ ထုတ်ပေးလျက်ရှိသည့် တောင်းခံလွှာပုံစံ၊ ပြည်သူ့ ဆေးရုံအစီရင်ခံစာပုံစံ နှင့် ပြည်သူ့ရဲတပ်ဖွဲ့အစီရင်ခံစာပုံစံများနှင့်အတူ အောက်ပါအထောက်အထားများ ပူးတွဲတင်ပြရမည် ဖြစ်ပါသည်။

သေဆုံးသူများအတွက်

ဒဏ်ရာရရှိသူများအတွက်

မြန်မာနိုင်ငံနှင့် နယ်နမိတ်ချင်း ဆက်စပ်လျက်ရှိသည့် တစ်ဖက်နိုင်ငံများမှ မြန်မာနိုင်ငံအတွင်း ဝင်ရောက်လာသည့် မော်တော်ယာဉ်များအတွက် မြန်မာနိုင်ငံသားများ၏အကျိုးငှာ မတော်တဆ ထိခိုက်မှု ဖြစ်ပွားပါက နစ်နာဆုံးရှုံးမှုအကာအကွယ်များ ရရှိစေရန် ၁၉၉၇ ခုနှစ်မှစတင်၍ နယ်စပ်ဒေသ (မြဝတီ၊ မူဆယ်၊ တာချီလိတ်) အသီးသီးတွင် သူတစ်ပါးထိခိုက်မှုအာမခံ ပရီမီယံကို သီးခြားသတ်မှတ်ပြီး လက်ခံ ဆောင်ရွက်ခဲ့ပါသည်။

မှတ်ချက်

သူတစ်ပါးထိခိုက်မှုအာမခံနည်းဥပဒေ အခန်း(၆)၊အပိုဒ်(၁၇)အရ မည်သူမဆို သူတစ်ပါးထိခိုက်မှု အာမခံနစ်နာကြေးကို မြန်မာ့အာမခံထံမှ မသမာသောနည်းဖြင့် ထုတ်ယူခြင်း၊ ထုတ်ယူရန် အားထုတ်ခြင်း သို့မဟုတ် အားပေးကူညီခြင်းပြုလျှင် တည်ဆဲဥပဒေအရ အရေးယူခြင်း ခံရမည်။

Download Dead Form Download Third Party Liability Premium Rates Download Beneficiary Rates

The Implementation of ASEAN Framework Agreement on the Facilitation of Goods in Transit: Protocol-5 (ASEAN Scheme of Compulsory Motor Vehicle Insurance)

• ASEAN Framework Agreement on the Facilitation of Goods in Transit နှင့် GMS Cross Border Transport Agreement စာချုပ်များအရ အာဆီယံနိုင်ငံများအပြင် တရုတ်၊ အိန္ဒိယနိုင်ငံများသို့ပါ နိုင်ငံဖြတ်သန်းကုန်စည် သယ်ပို့ရန် ရှိပါသဖြင့် နယ်စပ် ဝင်ပေါက် ထက် ကျော်လွန်၍ အခြားနိုင်ငံများ အထိ နိုင်ငံဖြတ်သန်းမည့် ကားများအတွက်ပါ သူတစ်ပါးထိခိုက်မှုအာမခံ ဆောင်ရွက်ပေးလျက် ရှိပါသည်။
• လက်ရှိတွင် Transit ​နေရာများတွင်သာ ရောင်းချပေးလျက် ရှိနေသော်လည်း Online မှတစ်ဆင့် ရောင်းချနိုင်ရန် ဆောင်ရွက်လျက် ရှိပါသည်။
• နယ်စပ်ဝင်ပေါက်များတွင် TPL Insurance Cover ဝယ်ယူမည်ဆိုပါက ယာဉ်နှင့် ပတ်သက်သော အထောက်အထားများ (Owner-book၊ Wheel-tax၊ Driving License) တင်ပြရမည်ဖြစ်ပြီး ၎င်းတို့သည် အဆင့်မီလိုင်စင် ဖြစ်ရပါမည်။
• သက်တမ်းအနေဖြင့် တစ်လသတ်မှတ်ထားပြီး မြန်မာနိုင်ငံသို့ ဝင်ရောက်လာချိန်တွင် အာမခံ စတင်မည် ဖြစ်ပြီး ပြန်ထွက်ပြီးပါက သက်တမ်းကုန်ဆုံးမည် ဖြစ်ပါသည်။
• အာမခံနှုန်းထားများမှာ ယာဉ်အမျိုးအစားပေါ် မူတည်၍ ( ကျပ် ၃၀၀၀၀၊ ကျပ် ၅၀၀၀၀၊ ကျပ် ၇၀၀၀၀) တို့ ဖြစ်ပါသည်။
• လူတစ်ဦးဒဏ်ရာရရှိခြင်းအတွက် အများဆုံးလျော်ကြေး –     ကျပ် ၂,၄၀၀,၀၀၀/
• လူတစ်ဦးသေဆုံးခြင်းအတွက် အများဆုံးလျော်ကြေး –        ကျပ် ၃,၀၀၀,၀၀၀/-
• သူတစ်ပါးပစ္စည်း ပျက်စီးဆုံးရှုံးခြင်း (အများဆုံး)                ကျပ် ၁,၅၀၀,၀၀၀/-
• နယ်စပ်ဖြတ်ကျော် မော်တော်ယာဉ်များအတွက် အာမခံလက်ခံခြင်းနှင့် လျော်ကြေးပေး ချေခြင်းလုပ်ငန်းများအား ပူးပေါင်းဆောင်ရွက်နိုင်ရန်အတွက် မြန်မာနိုင်ငံနှင့် ထိုင်းနိုင်ငံတို့ သည် ၂၀၁၉ ခုနှစ်၊ မတ်လ ၁၂ ရက်နေ့တွင် နှစ်နိုင်ငံ နားလည်မှုစာချွန်လွှာအား လက်မှတ်‌ ရေးထိုး ချုပ်ဆိုခဲ့ပါသည်။
• နယ်စပ်ဖြတ်ကျော် မော်တော်ယာဉ်များအတွက် အာမခံပေါ်လစီထုတ်ပေးခြင်းနှင့် သတင်း အချက်အလက်များ မျှဝေရာတွင် လွယ်ကူချောမွေ့စေရန် ထိန်းချုပ်ပေးနိုင်မည့် web-based သုံး အာဆီယံ မထားမနေရ မော်တော်ယာဉ်အာမခံ စနစ်အား အဖွဲ့ဝင်နိုင်ငံ အားလုံး အသုံးပြုရေး နားလည်မှုစာချွန်လွှာအား အာဆီယံအဖွဲ့ဝင်နိုင်ငံအားလုံးမှ ၂၀၂၁ ခုနှစ်၊ အောက်တိုဘာလ ၁၁ ရက်နေ့တွင် လက်မှတ်‌ရေးထိုး ချုပ်ဆိုခဲ့ပါသည်။
• နယ်စပ်ဖြတ်ကျော် မော်တော်ယာဉ်များအတွက် အာမခံလက်ခံခြင်းနှင့် လျော်ကြေး ပေးချေခြင်း လုပ်ငန်းများအား ပူးပေါင်းဆောင်ရွက်နိုင်ရန်အတွက် မြန်မာနိုင်ငံနှင့် လာအို နိုင်ငံတို့ သည် ၂၀၂၂ ခုနှစ်၊ ဒီဇင်ဘာလ ၈ ရက်နေ့တွင် နှစ်နိုင်ငံ နားလည်မှုစာချွန်လွှာအား လက်မှတ်‌ရေးထိုး ချုပ်ဆိုခဲ့ပါသည်။
• မြန်မာ့အာမခံလုပ်ငန်းအနေဖြင့် နယ်စပ်ဖြတ်ကျော် မော်တော်ယာဉ်အာမခံအား ACMI system Platform မှတစ်ဆင့် ရောင်းချရန်အတွက် ထိုင်းနိုင်ငံ၊ RVP technical team နှင့် ပူးပေါင်းဆောင်ရွက်လျက် ရှိပါသည်။

နယ်စပ်ဖြတ်ကျော်မော်တော်ယာဉ်အာမခံ              

နယ်စပ်ဖြတ်ကျော်မော်တော်ယာဉ်အာမခံသည် မြန်မာနိုင်ငံ၏ နယ်စပ်ကို ဖြတ်ကျော်၍ မြန်မာနိုင်ငံအတွင်းသို့ သွားလာမည့်ယာဉ် (သို့မဟုတ်) ပြည်ပနိုင်ငံတစ်နိုင်ငံမှ မြန်မာနိုင်ငံကို ဖြတ်ကျော်၍ အခြားပြည်ပနိုင်ငံတစ်နိုင်ငံသို့ သွားလာမည့်ယာဉ်များကို အကာ အကွယ်ပေးသည့် သူတစ်ပါးထိခိုက်မှုအာမခံအမျိုးအစားဖြစ်ပါသည်။

ယင်းအာမခံ၏သက်တမ်းမှာ (၁)လဖြစ်ပြီး ယာဉ်ကြီး၊ ယာဉ်လတ်၊ ယာဉ်ငယ် ခွဲခြား၍ ပရီမီယံကျပ် ၃၀၀၀၀၊ ကျပ် ၅၀၀၀၀၊ ကျပ် ၇၀၀၀၀ နှုန်းဖြင့် ကောက်ခံပါသည်။ မော်တော်ယာဉ်အာမခံထားရှိရန်အတွက် ယာဉ်အမှတ်၊ ယာဉ်အမျိုးအစား၊ ယာဉ်အမျိုး အမည်၊ အင်ဂျင်အမှတ်၊ ဖရိန်အမှတ်နှင့် ယာဉ်မောင်းလိုင်စင်မိတ္တူတို့ လိုအပ်ပါသည်။

အာမခံအကာအကွယ်မှာ အာမခံထားသည့်ယာဉ်ထိခိုက်မှုကြောင့် သူတစ်ပါးသေဆုံးခြင်း၊ ဒဏ်ရာရခြင်းနှင့် ပစ္စည်းပျက်စီးဆုံးရှုံးခြင်းတို့အတွက် ဖြစ်ပါသည်။ လူတစ်ဦးသေဆုံးခြင်းအတွက် နစ်နာကြေး ကျပ် ၃,၀၀၀,၀၀၀/- ၊ ဒဏ်ရာရခြင်းအတွက် အများဆုံးလျော်ကြေး ကျပ် ၂,၄၀၀,၀၀၀/- ခံစားခွင့်ရရှိမည် ဖြစ်ပါသည်။

ပရီမီယံကြေးကို မြန်မာကျပ်ငွေဖြင့်သာ လက်ခံမည်ဖြစ်၍ မြန်မာကျပ်ငွေဖြင့် ပေးသွင်းရပါမည်။ လျော်ကြေးဖြစ်ပွားပါက မြန်မာ့အာမခံလုပ်ငန်းသို့ ချက်ချင်းအကြောင်း ကြားရပါမည်။